Naka-locked down na ngayon ang Jesuit residence sa Ateneo De Manila University campus sa Loyola Heights, Quezon City, matapos mahawaan ng COVID-19 ang isang pari.
Ayon sa unibersidad, noon lamang March 24, binawian ng buhay si Fr. Emerito Salustiano De La Rama na nagpositibo sa novel coronavirus.
Inaasahang magtatagal ng 10 hanggang 14 na araw ang ipinatupad na lockdown Ateneo Campus sa lunsod ng Quezon.
Samantala, sinabi ng pamunuan ng unibersidad, na kahit wala silang nakitang sintomas ng virus mula sa 34 na iba pa nilang community members, ay kailangan parin aniyang sumailalim ang mga ito sa COVID-19 test.
