Inihayag ni Pangulong Ferdinand Bongbong Marcos Jr na hindi pa rin nakokontrol ang problema sa African Swine Fever (ASF).
Ito ang rason kung bakit hindi pa rin aniya maiwasan ang pag-angkat ng baboy ng Pilipinas.
Gayundin aniya ang sitwasyon sa panig ng pagmamanok na kagaya ng sa pork ay hindi rin maiiwasang mag-import dahil sa iba’t ibang suliranin.
Sinabi pa ng punong ehekutibo na isa sa dahilan ay ang kakulangan ng feed kaya dapat mapataas ang produksiyon ng palay at mais na magagamit sa livestock.
Ito rin ang dahilan kaya single highest priority niya ang agrikultura at target ng kanyang administrasyon na makalikha ng malakas na ekonomiya.