Duda si Top Rank Promotions President Bob Arum kung magtatagumpay si Senador Manny Pacquiao sa laban kay Jessie Vargas.
Ito ayon kay sports analyst Dennis Principe ang ipinahiwatig sa kanya ni Arum nang makausap kaugnay sa takbo ng training at paghahanda ni Pacman sa laban kay Vargas sa darating na araw ng Linggo.
Sinabi sa DWIZ ni Principe na ikinagulat niya ang tila pagkadismaya ni Arum sa anito’y pagfu-full time senator ng Pambansang Kamao.
Bahagi ng pahayag ni Dennis Principe, Sports Analyst
Hungry fighter
Posibleng naka-kondisyon si Senador Manny Pacquiao sa kanyang laban kay Jessie Vargas.
Ayon ito sa sports analyst na si Dennis Principe subalit may duda sa focus nito matapos mapaulat ang ilang araw na pahinga nito mula sa kanyang training sa nasabing laban.
Sinabi ni Principe na nakikita niyang makakaalagwa si Pacman kontra kay Vargas sa Round 8 o 9 subalit maaaring makabawi ang dayuhang boksingero na isa aniyang hungry fighter.
Bahagi ng pahayag ni Dennis Principe, Sports Analyst
By Judith Larino | Ratsada Balita
