Ipinag-utos ni Senate Blue Ribbon Committee Chairman TG Guingona na i-hold in abeyance o pansamantalang ihinto ang pag-aresto sa 3 itinuturong dummies umano ni Vice President Jejomar Binay.
Ito’y ayon kay Guingona ay dahil sa lumiham kahapon sina Engr. Line dela Peña, Danilo Villas at Vissia Marie Aldon na nangakong haharap at makikipagtulungan na sa susunod na pagdinig.
Ngunit ayon kay Guingona, kinakailangang humarap ng tatlo sa senado sa Lunes upang lumagda sa pledge of commitment.
Ibig sabihin, mula sa 14 na ipinaaaresto ng senado, mababawasan ito ng 3 at magiging 11 na lamang ang hahanapin at aarestuhin ng Senate Sergent at Arms.
By Jaymark Dagala | Cely Bueno (Patrol 19)
