Nasagot umano lahat ni Senadora Grace Poe ang mga isyu na ipinukol sa kanya sa ikalawang presidential debates sa Cebu.
Sa panayam ng DWIZ, binigyang diin ni Valenzuela City Mayor Rex Gatchalian, tagapagsalita ni Poe, base sa mga sagot ni Poe ay lumitaw kung anong uri ng lider ang senadora sakaling manalo ito sa halalang pampanguluhan.
Partikular na tinukoy ni Gatchalian ang aniya’y positibong tugon ni Poe ukol sa hidwaan sa pagitan ng Pilipinas at China.
“Mabalikan ko lang yung tanong ni Mayor Duterte kay Senator Grace, kaya nga nung tinanong siya sagot ni Senator Grace ora mismo babangon siya at aaksyon, she has been known as a very decisive leader, during her stay in the Senate sa imbestigasyon ng Mamasapano, sa imbestigasyon niya sa MRT, very clear yung intent niya, yung decisive leadership niya sa mga committee na yun.” Pahayag ni Gatchalian.
By Jelbert Perdez | Karambola
