Muling nakita sa publiko ang aktres na si Arci Muñoz, ilang araw matapos kumalat ang kanyang larawan sa social media na umano’y nagparetoke ito at nagbago ang itsura.
Sa Facebook Post ng isang netizin na si Josah Langcay, sinabi nito na noong Sabado ng gabi, August 12 ay nasa Tuguegarao si Arci bilang panauhin sa patronal fiesta ng lungsod.
Kwento pa ni Langcay ay dumiretso muna si Arci sa Tugegarao City Hall kung saan nag-courtesy call kay Mayor Jefferson Soriano bago pumunta sa event.
Sa mga larawan at video ni Langcay ay mapapansin nga ang pagbabago sa itsura ng aktres.
Matatandaang unang napag-usapan ang pagpaparetoke ni Arci ng magpost ng mga larawan ang isa pang netizen na si Nhico de Asis nang dumalo ang aktres sa isang event noong isang linggo.
Kung saan ilang netizen ang naghayag ng pagkadismaya sa pagbabago ng mukha ng aktres at tinawag pang kamukha ng yumaong King of Pop Michael Jackson.
Sa kasalukuyan ay hindi pa nagbibigay ng anumang pahayag si Arci kaugnay sa umano’y kanyang pagpaparetoke ng mukha.
