Sumuko na ang 7 Pulis Navotas na nasasangkot sa pangongotong sa pamilya ng kanilang inarestong drug suspect.
Ayon sa PNP – CITF o Counter Intelligence Task Force dakong ala 6:30 kagabi nang sumuko ang 7 pulis.
Kinilala ang mga nasabing Navotas Police na sina Police Officers 1 Emmanuel Benedict Alojacin, Mark Ryan Mones, Christian Paul Bondoc and Jack Rennert Etcubañas and Police Officers 2 Jonnel Barocaboc, Jessrald Pacinio at Police Officer 3 Kenneth Loria.
Matatandaang nag-ugat ang reklamo nang kanilang arestuhin ang isang hinihinalang drug suspect noong Biyernes ng umaga sa Barangay Longos Malabon City, saka tinawagan ang nanay ng kanilang inaresto para hingan ng 100,000 Piso kapalit ng buhay ng anak.
Agad naman nagreklamo ang ina sa CITF kung saan nagsagawa ng entrapment operation ang grupo subalit hindi nagpakita ang 7 pulis.
