Humingi ng paumanhin ang Kapamilya actress at It’s Showtime host na si Anne Curtis sa pagiging tikom ang bibig hinggil sa preparasyon ng kanilang kasal ni Erwan Heussaff.
Kasunod umano ito sa maraming nagtatanong niyang fans at followers.
Ani Anne, batid niya na excited ang kanyang mga taga-hanga para sa event na ito.
Ngunit, umaasa aniya siya na maiintindihan at rerespetuhin din ng mga ito ang naging desisyon nila ni Erwan na huwag muna itong isapubliko.
Gayunman, agad naman aniya nilang ibabahagi ito pagkatapos ng kanilang kasal.
Sa tanong na kung ano pa ang gusto niyang makamit pagkatapos ng kanilang kasal, sinabi ni Anne na isa sa kanyang ‘biggest dreams’ ay magkaroon ng sariling ‘healthy family’ sa hinaharap.
