Kalunos-lunos ang sinapit ng isang sanggol matapos siyang patayin sa saksak ng sarili niyang ama sa Tikalaan, Bukidnon.
Sa imbestigasyon ng pulisya, lumilitaw na matinding selos ng suspek sa kaniyang asawa ang ugat ng krimen, at nadamay ang bata.
Nabatid na sugatan din at isinugod sa ospital ang amang suspek matapos magsaksak sa sarili matapos ang ginawang krimen.
Bago ang insedente, nag-away umano ang mag-asawa, na dahilan para umalis ng bahay ang misis at naiwan ang suspek at kanilang anak.
Hindi umano inakala ng ginang na idadamay ng suspek ang kanilang anak.
Naka-hospital arrest ang suspek na nahaharap sa kasong parricide.
