Dinukot umano ng mga hinihinalang miyembro ng New People’s Army o NPA si Loreto, Agusan del Sur Mayor Dario Otaza.
Batay sa impormasyon ni Usec. Manny Bautista ng Cabinet Cluster for Security, Justice and Peace, dinukot ang alkalde kasama ang anak nito sa kanilang tahanan sa Barangay Baan, Butuan City mag-a-ala-7:00 kagabi.
Isang dating rebelde si Otaza mula sa Manobo Indigenous People’s Group naging instrumento sa pagbaba ng armas ng ilang dating kapwa rebelde mula nang magbalik loob sa pamahalaan.
Kasunod nito, sinabi ni Usec. Bautista na nagkasa na ng operasyon ang militar at pulisya para sa ligtas na pagkakasagip sa mag-amang Otaza.
By Jaymark Dagala
