Balik trabaho na si Daanbantayan, Cebu Mayor Vicente Loot, isa sa inakusahan ni Pangulong Rodrigo Duterte na narco-general.
Nobyembre 28 nang mag-leave sa trabaho si Loot at nakatakda sanang bumalik noong Disyembre subalit pinalawig upang manatili naman sa Canada at US para sa holiday season.
Isa sa mga sinasabing dahilan nang pagliban sa opisina ng alkalde ang ilang beses na pagtatangka sa kanyang buhay at pamilya.
Magugunitang nagbiro si Pangulong Duterte na si dating DILG secretary at kalaban sa presidential election rival Mar Roxas ang mastermind sa tangkang pagpatay sa retiradong heneral.
