Glued na rin ba as in hook ang Catholic Bishops’ Conference of the Philippines (CBCP) sa AlDub loveteam?
Nahiwatigan sa isang post ng CBCP sa Twitter account nitong Papal visit 2015 na bibigyan nito ng anila’y deserving recognition ang phenomenal loveteam nina Alden Richards at Maine Mendoza a.k.a Yaya Dub.
Ito ay posibleng maganap sa October 11 sa pagtatapos ng dalawang araw na Catholic Social Media Summit ng CBCP sa Sta. Rosa, Laguna.
Ang nasabing summit na para sa kabataang pinoy ay nilikha para sa panawagang online evangelization.
Kasunod na rin ito ng mga tweets ng Papal Visit 2015 na nagbibigay papuri at payo sa AlDub loveteam.
Kabilang sa mga tweets na ito ang pagpapasalamat kay Alden Richards sa pagiging inspirasyon sa mga kabataan at pagkakaroon ng pure heart.
Tuluy-tuloy naman ang kasiyahan ngayong araw na ito sa kalyeserye ng Eat Bulaga na may #aldubmeetstvj o pagdalaw ng explorer sisters with Yaya Dub sa mga dabarkads sa Eat Bulaga.
By Judith Larino
