Nakarating sa kaalaman ni National Capital Region Police Office (NCRPO) Chief Director Oscar Albayalde na may mga Pulis-Caloocan na sumagot ng pabalang sa kanyang mga sermon kanina.
Ayon kay Albayalde, sadyang walang displina ang mga pulis na ito.
Gagawin aniya nila ang lahat para magbago ang mga nasabing pulis at hahanapin pa aniya nila ang mga ganitong klaseng pulis sa gagawin nilang paglilinis sa kanilang hanay.
Napag-alamang habang nagsasalita si Albayalde ay tumatawa ang ilang Pulis-Caloocan.
Ang iba naman ay nadinig mismo ng mga media na sumasagot ng pabalang sa mga tanong ng heneral, kagaya na lamang ng mga katagang, ‘Yes Sir May Tama Ka’ at ‘Bakit niyo kukunin ang baril naming? No Way!’.
Meron talagang mga ganyan.
Merong kung baga sa pamilya talagang merong isa o dalawa na talagang suwail.
Meron din ditto with 28,000 na people.
Maniwala ka bang dun sa tinanggal natin dito wala ni isang galit dyan?
Marami, definitely marami.
Hindi nila maintindihan kailanman ‘yung mga nagiging desisyon dahil sila masyadong personal interest lang ang tinitingnan nila kaya didisiplinahin natin sila kung ayaw nilang magbago tayo ang magbabago sa kanila.
