Itinanggi ng Department of Transportation and Communication (DOTC) ang akusasyon ni Senator Alan Peter Cayetano na isa sa mga opisyal ng kagawaran ang co-owner ng City Optimized Managed Electric Transport o COMET Jeep Service.
Ayon kay Transportation Spokesman Migs Sagcal, wala naman silang records na may opisyal ng DOTC ang co-owner ng COMET.
Mayroon aniyang provisional authority ang COMET upang makapag-operate at magkakaroon din ng hearing kung dapat ba itong bigyan o hindi ng franchise kahit pa nasunog ang sa mga unit nito noong May 13.
Una ng inihayag ni Cayetano na nais niyang simulan ang imbestigasyon sa kawalan ng prangkisa ng COMET.
By Drew Nacino
