Itinuturing ng militar na magandang development sakaling totoo ang report na nagpapadala na ng surrender feelers ang lider ng Abu Sayyaf na si Radullon Sahiron.
Sinabi ni AFP o Armed Forces of the Philippines PIO Chief Col. Edgard Arevalo, na kapag sumuko si Sahiron ay tiyak na susunod dito ang iba pang miyembro ng Abu Sayyaf.
Maaari aniyang naliliwanagan na ang isip ni Sahiron na sa halip na mamundok ay mas gugustuhin na nitong mamuhay ng payapa.
Una nang sinabi ni Joint Task Force Sulu Commander Brig. General Cirilito Sobejana na kanilang siniseryoso ang impormasyon lalo na at ito ay mula sa kaibigan ni Sahiron.
Si Sahiron ay kabilang sa listahan ng Amerika ng mga wanted na terorista dahil sa pagdukot sa mga Amerikano at mayroon siyang patong sa ulo na isang milyong dolyar.
By Katrina Valle
Photo: Screenshot (FBI's terror list)
