Nanawagan si Presidential Daughter at Davao City Mayor Inday sarah Duterte – Carpio sa publiko laban sa isang abogado na gumagamit sa kaniyang pangalan para makapangalap ng salapi.
Sa isang pahayag na ipinadala ni Mayor Duterte – Carpio, ipinabatid sa kaniya ng isang kaibigan ang isang Atty. Regidor Tulali na taga-Palawan ang inutusan umano niya para bumili ng lupain sa Palawan.
Gagamitin aniya iyong isang drug rehabilitation facility bilang bahagi ng kampaniya ng administrasyon kontra iligal na droga.
Iginiit ng alkalde na isa lamang iyong raket o scam dahil wala naman siyang kilalang Atty. Tulali at hindi rin totoo ang gayung kautusan.
Kasunod nito, umapela si Mayor Duterte – Carpio sa publiko na mag-ingat at huwag magpapaniwala sa mga grupo o indibiduwal na nais lamang kumita ng pera gamit ang kanilang pangalan.
By: Jaymark Dagala / Aileen Taliping
