Hindi na mandatoryo ang pagsusuot ng uniporme ng mga estudyante sa mga pampublikong paaralan.
Ito ang inihayag ni Department of Education (DEPED) Secretary at Vice President Sara Duterte, para sa pagsisimula ng school year 2022–2023 sa Agosto a-22.
Aniya, sa gitna ng patuloy na pagtaas ng presyo ng mga pangunahing bilihin sa bansa ay magiging dagdag gastusin lamang ito bawat pamilya.
Samantala, ipatutupad ang combined in-person classes at distance learning mula Agosto hanggang Oktubre, habang ikakasa ang five-day face-to-face classes sa Nobyembre.
