Halos 2,000 katao ang arestado habang P17.5-M na halaga ng droga ang narekober ng Nothern Police District (NPD) sa huling linggo ng 2022.
Batay sa 2022 year end assessment report ng NPD, isinagawa ang mga operasyon sa mga lungsod ng Caloocan, Malabon, Navotas at Valenzuela simula December 25 hanggang 31.
Kabilang din sa nakumpiska ang ilang gamit sa illegal gambling habang 77 na indibidwal ang inaresto.
Bukod sa mga ito, nasa 1,800 ang lumabag sa mga city ordinances ang dinampot at karamihan sa kanila ay nahuling umiinom ng alak sa kalye. —mula sa panulat ni Jenn Patrolla
