Binigyan ng “nine” hanggang “ten” na grado ni Health Secretary Francisco Duque III ang performance at mga pagsisikap ng Department of Health (DOH) sa pagtugon kontra COVID-19.
Ayon kay Duque, personal niyang nasaksihan ang hindi matatawarang pagpupunyagi ng mga tauhan ng DOH bilang kontribusyon sa pagtugon ng pamahalaan sa pandemiya.
Gayundin ang mismong pangunguna sa pagpapatupad ng mga aspeto at istratehiya sa paglaban sa COVID-19.
Samantala, aminado naman si Duque sa mga pagkakamaling nagawa ng ahensiya.
Gayunman nagsilbi pa rin aniya itong leksyon sa kanila upang mas maging matagumpay ang pagtugon sa COVID-19.
Pinasalamatan naman ni Duque ang lahat ng mga DOH personnel lalo na ang mga hindi inalintana ang banta sa kanilang buhay.
