Walumpu’t walong (88) Overseas Filipino Workers (OFWs) ang pinakahuling batch na bumalik ng bansa mula sa Libya.
Ang mga naturang Pinoy workers ay balik-bansa sakay ng Emirates flight 332 at Qatar Airways flight 932.
Ang mga nasabing OFW ay una nang bumiyahe sa pamamagitan ng Tunisian border bago kumuha ng flight pabalik ng Pilipinas.
Inalalayan ng mga tauhan ng Overseas Workers Welfare Administration (OWWA) at Philippine Overseas Employment Agency (POEA) ang mga nasabing OFWs sa paglapag sa NAIA Terminal 1.
Halos 5,000 OFWs na mula sa Libya ang nakabalik na ng bansa subalit mayroon pa ring 3,000 nananatili sa nasabing bansa.
By Judith Larino
