Tiwala ang SINAG o Samahang Industriya ng Agrikultura na hindi pa nakakapasok sa pilipinas ang pekeng bigas mula sa China na gawa sa kamote at may halong plastik.
Ito ayon kay Rosendo So, pinuno ng SINAG ay bagamat wala pang kumpirmadong report sa bansa hinggil sa pekeng bigas subalit mas mabuting ma-monitor din ang galaw nito.
Sinasabing iniluluwas ng China ang mga pekeng bigas sa mga bansang malaki ang populasyon tulad ng Indonesia, India at Vietnam.
Sinabi ni So na nagsimula na rin silang i-monitor ang report lalo na’t umaangkat ng bigas ang bansa mula sa Vietnam na isa sa lugar sa Asya na pinagbabagsakan ng pekeng bigas.
By Judith Larino
