Patay ang walong indibidwal matapos maganap ang isang rap concert sa Texas.
Ayon sa Texas Authority, nagkaroon ng “crowd surge” o dagsaan ng mga tao sa nasabing concert kung saan, umabot sa 50,000 katao ang nagpunta.
Base sa imbestigasyon ng mga otoridad, nagkatulakan ang mga tao habang nagpe-perform ang american rapper na si Travis Scott dahilan para magkaroon ng gulo sa lugar.
Kabilang sa mga sangkot sa gulo ay pinaghihinalaang nakainom at gumamit ng iligal na droga.
Nabatid na ang mga nasawi ay nasa edad 14 hanggang 27.
Iniimbestigahan na ng mga otoridad ang nangyaring insidente. —sa panulat ni Angelica Doctolero