Patay ang 6 na katao sa Tagaytay City sa Cavite matapos masangkot sa isang road accident kaninang madaling araw.
Batay sa inisyal na impormasyon mula sa Tagaytay’s City Disaster Risk Reduction and Management Council o CDRRMC, isang private car ang sangkot sa aksidente sa corner ng Calamba at SVD road kaninang 12:45 ng madaling araw.
Sinabi ng CDRRMC na nasunog nang husto ang katawan ng mga nasawi dahil sa aksidente.
At hanggang sa ngayon ay patuloy pa ring inaalam ng mga otoridad ang pagkakakilanlan ng mga biktima.
Ang mga nasawi ay sinasabing galing sa batangas at magtutungo sana sa Santa Rosa, Laguna.
Ang labi ng mga biktima ay dinala sa funeral home sa Barangay Bulihan sa silang Cavite.
By: Allan Francisco
