Kasalukuyan pa ring ginagamot sa Cotabato Regional and Medical Center ang anim na kataong nalason sa kinaing pastil sa Cotabato City kagabi.
Nakilala ang mga biktima na sina Jonathan, Jocelyn, at Jumar Cho at sina Jocelyn, Judiya at Ruben Lumoya na pawang mga residente ng malagapas area sa Barangay Rosary Heights 10 sa naturang lungsod.
Ayon kay Cotabato City Police Director Senior Superintendent Rolly Octavio, nagsimulang sumakit ang tiyan ng mga biktima at nagsuka ang mga ito nang kumain ng tirang panindang pastil.
Ang pastil ay isang sikat na ‘delicacy’ sa Cotabato na karaniwang binabalot sa dahon ng saging ang kanin na may halong adobong manok na giniling.
