Binawian ng buhay si Tatay Lolito Ferrer Sr., 56-anyos matapos ma-heat stroke sa Dumanjug, Cebu dahil sa ginawang pagpila para makakuha ng social amelioration program (SAP) ng gobyerno.
Kinilala ang biktima na si Lolito Ferrer Sr., 56 anyos, ng barangay lawaan.
Ayon sa police report, na-heat stroke si Ferrer dahil sa sobrang init ng panahon makaraang pumila para sa cash subsidy ng pamahalaan ngayong panahon ng krisis dahil sa COVID-19.
Nakita na lamang ang wala nang buhay na katawan ng biktima sa madamong bahagi ng barangay lawaan.
Nabatid na umaga pa nagtungo si tatay Ferrer sa multi-purpose building ng barangay para sa makatanggap ng sap ngunit tanghali na ay hindi parin ito naibibigay sa kanya kaya’t umuwi na muna upang mananghalian.
Ngunit sa kasawiang palad, nasawi ang biktima habang naglalakad pauwi ng kanilang bahay.
