Naitala kahapon ng hapon sa Dagupan City, Pangasinan ang 54°C Heat Index na pangalawa sa pinakamataas na naitala ngayong taon.
Matatandaang noong Mayo a-1 ay nakapagtala ang PAGASA ng 55°C Heat Index sa nasabing lugar.
Samantala, pito pang lugar sa bansa ang nakapagtala din ng mataas na Heat Index sa pagitan ng 42°C at 47°C kabilang na dito ang:
Virac, Catanduanes na may 47°C; Sangley PT., Cavite na may 44°C; Baler, Aurora, Catbalogan, Western Samar, Daet, Camarines Norte, Infanta, Quezon at Laoag City, Ilocos Norte na parehong mayroong 42°C.
Nabatid na ang easterlies o mainit na hangin mula sa Pacific Ocean ay patuloy na magdadala ng mainit na panahon sa buong bahagi ng Luzon at Visayas.
Dahil dito, pinag-iingat ng pagasa ang publiko dahil ang 41°C hanggang 51°C na Heat Index ay may mataas na posibilidad na makaranas ng heat cramps, heat exhaustion at heat stroke’.