Iginiit ng Department of Justice na hindi pa sila makakilos laban kay Vice President Sara Duterte kaugnay sa alegasyon ng kanyang mismong dating tauhan na si Ramil Madriaga.
Batay sa salaysay ni Madriaga, sinabi nito na pinondohan ng Philippine Offshore Gaming Operator o POGO at ng ilang drug dealer ang kampanya ng bise presidente noong 2022 elections.
Ipinaliwanag naman ni DOJ Spokesman Attorney Polo Martinez na kailangan munang maisumite sa kanila ang lahat ng dokumento at mga ebidensya, at maihain ang mga reklamo laban sa pangalawang pangulo.
Nilinaw ni Atty. Martinez na kapag na-verify na ng DOJ ang mga ebidensya at kumpleto na ang reklamo, saka pa lamang anya puwedeng masimulan ang imbestigasyon at posibleng pagsasampa ng kaso laban kay VP Sara.
