Tiniyak ng Department of Education (DepEd) at Department of Transportation (DOTr) na magpapatuloy hanggang 2028 ang implementasyon ng 50 porsyentong diskwento sa mga linya ng LRT at MRT para sa mga estudyante.
Kaugnay nito, mailalabas na sa Setyembre ang special white beep cards, kung saan awtomatikong mababawas ang discount nang hindi na kailangang pumila para sa single-journey tickets.
Nabatid na nagsimula ang pagbibigay ng student discount sa LRT at MRT noong Hunyo, kung saan nakatatanggap ang mga estudyante mula kindergarten hanggang graduate school ng 50 porsyentong diskuwento sa bawat biyahe sa tren, na walang limitasyon kada araw o buwan.
Para makapag-avail ng student discount, kailangan lamang magpakita ng valid school ID o enrollment form.
