Patay ang 5 indibidwal kabilang na ang tatlong Venezuelans at dalawang Columbians sa naganap na pag-atake sa Munisipalidad ng Betania, Kagawaran ng Antioquia sa bahagi ng Northwestern Columbia.
Sa nakuhang impormasyon ng mga local authorities, naganap ang pagpatay sa isang coffee farm, kung saan, dumating ang dalawang armadong kalalakihan at nagpaputok ng baril.
Ayon kay Antioquia Gov. Anibal Gaviria, iniutos niya na ang pagsasagawa ng imbestigasyon kaugnay sa naganap na insidente upang matukoy ang motibo sa pag-atake.
Inaalam narin ngayon ng mga awtoridad kung may kasabwat ang dalawang suspek sa naganap na krimen. —sa panulat ni Angelica Doctolero