Limang katao, kabilang ang isang menor-de-edad, ang minasaker sa bayan ng Lantapan, Bukidnon.
Kinilala ang ilan sa mga biktimang sina Rocky Cruz, 33-anyos; Rachel Cruz, 19-anyos; Winlove Sinto y Talino, 30-anyos; Saliyawan Pina, 11 years old at Daniel Lugnasan y Ondinay, 54-anyos.
Ayon sa Lantapan Municipal Police, anim na salarin ang pumasok umano sa bahay ng biktimang si Mael Lugnasan sa Sitio Kiabacat, barangay Songco.
Dito na nagsimulang mamaril ang mga suspek na ikinasawi ng limang biktima habang nakaligtas si Mael matapos tamaan ng bala sa tiyan.
Nakatakas naman ang mga salarin habang inaalam na ang motibo sa krimen. —mula sa panulat ni Jenn Patrolla
