Sumampa na sa lima katao ang naitalang nasawi habang marami ang sugatan sa naganap na pamamaril ng isang lalaki sa isang industrial building sa Aurora, Illinois sa Amerika, pasado alasdos kahapon.
Nahuli ng mga pulis ang suspek makaraang isinara ang buong lansangan sa 641 Archer Avenue sa mga motorista.
Hawak na ng mga otoridad ang naturang suspek ngunit nananatili pa ring nakasailalim sa lockdown ang lugar dahil sa pangambang may iba pang kasamahan ang suspek.
Ipinag-utos naman na ni US President Donald Trump ang malalimang imbestigasyon hinggil sa insidente.
