4Ps hindi ititigil ng pamahalaan

Tiniyak ng pamahalaan ang tuluy-tuloy na pagpapatupad ng 4P’s o Pantawid Pamilyang Pilipino Program ng pamahalaan.

Ito ang ginawang paglilinaw ni Social Welfare Secretary Judy Taguiwalo kasunod ng nakatakdang pagtatapos ng partnership ng ahensya sa ADB o Asian Development Bank sa taong 2019.

Giit ng kalihim, hindi matatapos ang pagbibigay tulong ng pamahalaan sa mga mahihirap na Pilipino dahil magpapatuloy ang gagawin nilang pagsusuri sa pamamagitan ng kanilang Kumustahan Program.

Batay sa pinakahuling tala ng DSWD, aabot na sa isa’t kalahating milyong mahihirap na Pinoy ang benepisyaryo ng 4P’s na sinimulan pa noong administrasyong Arroyo.

By Jaymark Dagala

Comments

comments