Sinibak sa puwesto ang apatnapu’t apat (44) na miyembro ng Angeles City Police Station 5 sa Pampanga matapos sampahan ng kaso ang pito (7) pang police officer na akusado sa illegal detention at extortion ng tatlong Koreanong turista.
Ayon kay Police Regional Office-3 Director, Chief Supt. Aaron Aquino, agad itinalaga si Chief Insp. Rolando Doroja, bilang bagong station commander ng Station 5 na nangako namang ibabalik ang tiwala ng publiko sa kanilang mga pulis.
Sinampahan din ng kasong robbery at kidnapping ng Koreanong si Lee Ki Hoon, isa sa mga biktima, sina PO1 Jayson Ibe, PO1 Ruben Rodriguez, Po1 Mark Joseph Pineda, PO2 Richard King Agapito, PO3 Arnold Nagayo, PO3 Roentjen Domingo at PO3 Gomerson Evangelista.
Bumalik si Lee sa Pilipinas upang magbigay ng sinumpaang salaysay sa naganap na krimen.
By Drew Nacino | With report from Diony Gole
