Aabot sa 41 pasahero at limang crew na sakay ng lumubog na motor banca, ang nailigtas ng Philippine Coast Guard (PCG) sa karagatang sakop ng Palawan kahapon.
Ayon sa PCG, lagpas alas-siyete ng umaga nang bumiyahe ang motor banca na MB Jatropha mula Barangay Salang patungong Barangay Buliluyan sa bayan ng Bataraza, nang lamunin ito ng malakas na alon sa Caboang Bay.
Dahil sa hampas ng tubig, bahagyang lumubog ang bangka dahilan para magtalunan ang mga sakay nitong pasahero.
Agad namang nagsagawa ng search and rescue operations ang pcg para mailigtas ang mga biktima at dinala sa barangay salang para sa agarang lunas.
Tiniyak naman ng PCG na nasa maayos nang kalagayan ang lahat ng sakay ng motor banca.
