Patay ang 41 anyos na lalaki sa Lucena City, Quezon matapos masagasaan ng tren ng Philippine National Railways (PNR).
Kinilala ang nasawi na si Jose Rizo, residente ng Barangay Isabang, Lucena City.
Batay sa imbestigasyon ng mga otoridad, nasa ilalim ng impluwesiya ng alak si Rizo nang tangkang tumawid sa riles dakong alas-5:05 ng madaling araw nitong Huwebes.
Pero nabangga ng tren ang biktima dahilan para tumilapon ito sa gilid ng riles.
Tinangka pang isugod sa ospital si Rizo pero namatay din ito makalipas ang ilang oras.
Sa ngayon, inihahanda na ang kaso laban sa nagmamaneho ng tren nang maganap ang insidente.
