Patay ang 4 katao kabilang ang isang buntis sa naganap na masaker sa Brgy. Kayupo Pandag, Maguindanao
Nakilala ang mga nasawi na sina Bai Imbo Babaranto, buntis na si Naid Tucon at dalawang menor de edad samantalang dalawa katao ang sugatan.
Ayon kay Maguindanao Police Provincial Director Senior Supt. Nickson Muksan, pinasok ng mga armadong kalalakihan ang Narciso Palm Oil Plantation at pinagbabaril ang mga biktima na pawang katiwala ng may-ari ng plantasyon.
Kaagad namang tumakas ang mga suspek nang matunugan ang pagdating ng mga sundalo at CAFGU samantalang isinugod sa isang pagamutan sa Tacurong City ang mga sugatang biktima.
Awayan naman sa lupa ang sinisilip na anggulo ng mga otoridad sa naturang masaker.
By Judith Larino
