Patay ang apat na katao habang dalawang libo naman ang sugatan dahil sa nagpapatuloy na protesta sa pagitan ng Palestinians at Israelis sa West Bank City at Gaza Strip.
Kasunod pa rin ito ng deklarasyon ng US na kilalanin ang Jerusalem bilang kabisera ng Israel.
Batay sa report, nagpaputok ang mga Israeli troops ng mga bala sa kasagsagan ng mainit na bangayan sa mga nagpoprotestang noo’y nambabato.
Maliban dito, nakapagtala na rin ng mahigit 200 katao na naaresto dahil sa mga ikinasang protesta kung saan naging marahas ang mga ito.
Sa kabila nito, nagmatigas pa rin ang US sa kanilang ginawang deklarasyon.
—-
