Nasa 3,000 estudyante at guro na may malabong mata sa Pampanga ang nakatanggap ng libreng salamin at eye check-up nitong Nobyembre.
Ito ay ayon kay Pampanga Board Member Mylyn Pineda-Cayabyab ay sa ilalim ng proyektong “free eyeglasses for students and teachers” ng kanilang pamilya.
Aniya, isang grupo ng Ophthalmologists at mga Nurses ang nagsagawa ng eye checkups sa mga estudyante at guro sa 80 pampublikong paaralan sa Pampanga.
Giit pa ni Pineda-Cayabyab, tumaas ang bilang ngmga indibidwal na lumalabo ang mata dahil sa maghapong pagharap sa gadgets.
Umaasa naman si Pineda-Cayabyab na sa pamamagitan ng proyektong ito, inaasahan na mas magiging madali ang pag-aaral ng mga estudyante at mas komportableng makapagtuturo ang mga guro. —sa panulat ni Hannah Oledan
