Arestado ang may 39 na indibiduwal sa anti-crime operation ng Philippine National Police (PNP) sa Makati City.
Ayon sa ulat, tatlo (3) sa mga ito ang inaresto dahil sa umano’y pagbebenta ng shabu sa barangay Guadalupe Viejo.
Ang ilan naman ay naaresto dahil sa iba’t ibang uri ng krimen kabilang ang pagnanakaw, grave coercion at physical injury.
Maliban dito, 29 na personalidad din ang tinignan ng mga pulis kung may nakabinbing kaso ang mga ito.
Sinabi ng Makati PNP na lahat ng mga naaresto sa kanilang anti-crime operation ay isasailalim sa imbentaryo.
By Ralph Obina
