Posibleng masuspinde ang mahigit 3000 importer dahil sa outdated nilang contact details sa Bureau of Customs.
Sa record ng ahensya, nasa 1200 importer ang may hindi na gumaganang phone numbers habang nasa 2300 ang may hindi na gumaganang email address.
Binigyan ng 30 araw ng Bureau of Customs ang mga importer para ayusin ang kani-kanilang contact information at magsumite ng mga dokumento kabilang ang liham ng pag-amyenda sa kanilang datos.
Nagbanta ang ahensya na tuluyang kakanselahin ang kanilang accreditation kapag hindi sumunod sa panuntunan.
By: Avee Devierte / Aya Yupangco
