Patay ang isang 30 anyos na babae sa Davao City matapos sakalin ng kaniyang fiance dahil sa pag-atras sa kanilang kasal.
Kinilala ng Davao City Police Office ang suspek na si Maliry Bitil Gumanan at ang biktimang si Joan Balabagan Lintang, pawang nakatira sa magsaysay town sa Davao del Sur.
Sa imbestigasyon ng mga pulis, nag-check-in pa sa isang inn ang dalawa na matatagpuan sa C.M. Recto sa Barangay 35-D.
Pero nagtalo ang mga ito matapos umatras si lintang sa kasal.
Dito na sinakal ni gumanan si Linting saka itinago sa banyo ang katawan nito at sabay tumakas.
Agad namang sumuko sa Magsaysay Municipal Police Station ang supek na nahaharap sa kasong homicide.
