Tatlo (3) sa kada 5 Pilipino o 62 porsyento ang maliit lamang ang tiwala sa China sa isyu ng claim sa West Philippine Sea.
Ito ang lumalabas sa survey ng Social Weather Stations na isinagawa noong June 5 hanggang 8.
Nakasaad din sa resulta ng survey na 17 porsyento ng mga Pilipino ang mayroong sapat na tiwala o much trust sa China samantalang tinagurian namang bad ang record low net trust na negative 45.
Ayon sa SWS, nilampasan ng pinakamababang net trust ng China na negative 45 ang nakalipas na record low na negative 36 noong June 2014, May 2012 at June 1995 sa gitna ng Mischief Reef confrontation sa pagitan ng Pilipinas at China.
Samantala, lumalabas din sa survey ang very good positive 64 trust rating para sa Amerika at good positive 36 para naman sa Australia.
Subalit ang net trust para sa Saudi Arabia ay nasa neutral na negative 9 at poor negative 10 naman para sa Malaysia.
By Judith Larino