Nasa maayos nang kalagayan ang tatlong kadete ng Philippine Military Academy (PMA) na isinugod sa ospital dahil sa hinihilang nakaranas ng pangmamaltrato sa loob ng akademya.
Ito ay ayon kay Armed Forces of the Philippines (AFP) spokesperson Brig. Gen. Edgard Arevalo bagaman ang isa aniya sa tatlong Fourth Class cadets ay inilipat sa isang pribadong ospital.
Ito aniya ay upang isailalim pa sa ilang mga pagsusuri partikular na ng pancreatic tests.
Ang mahalaga ani Arevalo ay nasa maayos nang kalagayan ang tatlong naturang kadete.
Tiniyak naman ng militar na sasagutin ng PMA ang lahat ng ginastos sa pagpapagamot ng na-ospital na mga kadete.
