Tatlo katao ang patay habang 20 ang sugatan matapos mahulog ang isang truck sa bangin sa San Carlos, Negros Occidental.
Kinilala ang mga nasawi na sina Jenalyn Capriano, Maricel Lobrido, at Haydee Lobrido.
Lumalabas sa imbestigasyon na nawalan ng preno ang truck dahilan kaya napunta ang sasakyan sa gilid ng kalsada at bumulusok sa bangin.
Samantala, nasa kustodiya na ng pulisya ang truck driver.
