Monthly Archives

June 2026

HEADLINES

May-ari ng Gream Funeral Services pinapaaresto ng Korte

written by DWIZ 882

Ipina-a-aresto ng Pampanga Regional Trial Court si Gerardo Gregorio Santiago, ang may-ari ng Gream Funeral Services Inc. sa Caloocan City na pinagdalhan ng labi ni Korean businessman Jee Ick Joo.

Ang kautusan ni Angeles City, Pampanga RTC Branch 58 Judge Irineo Pangilinan Jr. ay makaraang mapatunayan na pasok sa kasong kidnapping-for-ransom with homicide si Santiago bilang accessory.

Isandaang libong Piso ang itinakdang piyansa para sa pansamantalang kalayaan ni Santiago.

Matatandaang lumabas sa reinvestigation ng DOJ na tinawagan si Santiago ng pangunahing akusado na si SPO3 Ricky Sta. Isabel para dispatsahin ang mga labi ni Jee, kapalit ng 30,000 piso at ng isang golf set.

Si Jee ay sapilitang tinangay ng grupo ni Sta. Isabel mula sa bahay nito sa Angeles City, Pampanga noong October 2016 at sinasabing pinatay mismo sa loob ng Camp Crame.

By: Meann Tanbio / Bert Mozo

May 24, 2017 0 comment

NATIONAL NEWS

4 na pulis Malabon kinasuhan ng kidnapping at extortion

written by DWIZ 882

Sinampahan na ng kaso sa Department of Justice ang apat na pulis sa Malabon na inaakusahan ng kidnapping at robbery extortion.

Nahaharap sa kasong kidnapping, robbery, carnapping, at paglabag sa Section 29 ng Republic Act Number 9165 o “Comprehensive Dangerous Drugs Act” sina SPO2 Ricky Pelicano, PO2 Wilson Sanchez, PO1 Joselito Ereneo, at PO1 Frances Camua.

Kasama rin sa ipinagharap ng reklamo ang pitong iba pang pulis na at-large na sina SPO2 Gerry Dela Torre, PO3 Michael Angelo Diaz Solomon, PO3 Luis Tayo Hizon Jr., PO2 Michael Papa Huerto, PO1 Jovito Roque Jr; PO1 Ricky Alix Lamcen at PO3 Bernandino Pacoma.

Ang PNP-Counter Intelligence Task Force ang tatayong public complainant sa kaso, habang si state prosecutor Susan Azarcon ang hahawak ng kaso.

By: Meann Tanbio / Bert Mozo

May 24, 2017 0 comment

HEADLINES

Bandila ng ISIS itinaas sa isang ospital sa pagkubkob ng Maute sa Marawi CIty

written by DWIZ 882

Nakubkob na ng Maute Group ang Amai Pakpak Medical Center sa Marawi City.

Ayon sa ulat, kaagad na ibinaba ng mga armadong kalalakihan ang bandila ng Pilipinas sa nasabing ospital at saka itinaas ang watawat ng ISIS.

Kaugnay nito, ipinabatid ni Dr. Mohammad Abedin, Presidente ng Lanao Del Sur Medical Society na hindi na pinalalabas ng pagamutan ang ilang mga doktor at nurse doon.

Samantala, sumiklab naman ang malaking sunog sa loob ng Marawi City Jail pasado alas-6:00 kagabi.

Wala pang inilalabas na ulat ang mga otoridad sa kundisyon ng mga nakakulong sa naturang bilangguan.

By: Meann Tanbio

May 24, 2017 0 comment

NATIONAL NEWS

8 sundalo patay sa bakbakan sa Marawi City Lanao del Sur

written by DWIZ 882

Patay ang walong sundalo sa bakbakan sa pagitan ng tropa ng militar at Maute Group sa Marawi City, Lanao Del Sur.

Nagsimula ang bakbakan bandang alas-2:00 ng hapon sa Barangay Basak Malutlut sa Marawi City kung saan umano nagtatago ang 15 armadong miyembro ng Maute Group.

Sinasabing sumalakay ang Maute Group sa nabanggit na lugar para i-rescue si Abu Sayyaf Leader Isnilon Hapilon.

Agad na naglunsad ng joint operation ang AFP at PNP, pero sinalubong sila ng putok.

Kaugnay nito, tiniyak ni AFP Chief of Staff Eduardo Año na kontrolado na ng mga otoridad ang sitwasyon sa Marawi City.

Pinayuhan ni Año ang mga residente sa lugar na huwag munang lumabas ng bahay at huwag mag-panic.

By: Meann Tanbio

May 23, 2017 0 comment

NATIONAL NEWS

PNP tiniyak ang seguridad sa concert ni Ariana Grande sa PH kasunod ng pagsabog sa UK

written by DWIZ 882

Tiniyak ng Philippine National Police o PNP na magkakaroon sila ng pagbabago sa ipatutupad na seguridad sa concert ni Ariana Grande sa Pilipinas sa Agosto.

Ito ay matapos ang nangyaring pagsabog sa konsyerto ni Ariana sa Manchester Arena sa United Kingdom na ikinasawi ng 22 katao.

Ayon kay PNP Spokesman Chief Superintendent Dionardo Carlos, dapat may mahigpit na pakikipag-ugnayan ang organizers ng Ariana Grande Concert sa pambansang pulisya upang masiguro ang kaligtasan ng mga dadalong fan.

Ang Ariana Grande Concert ay gaganapin sa August 17 sa Mall of Asia Arena.

By Ralph Obina

May 23, 2017 0 comment

INTERNATIONAL NEWS

Paglilitis laban sa dating Pangulo ng South Korea umarangkada na

written by DWIZ 882

Sinimulan na ngayon ang unang araw ng corruption trial laban kay dating South Korean President Park Geun Hye.

Ito ang unang appearance ni Park magmula nang arestuhin ito noong Marso.

Dumating si Park sa Korte nang nakaposas sakay ng prison van.

Naghain naman ng not guilty plea si Park sa mga ibinibintang laban dito.

Matatandang na-impeach si Park sa pagkapangulo dahil sa isyu ng bribery, pag-abuso sa kapangyariahan at pagbubunyag ng mga mahahalaga impormasyon ng estado.

By Ralph Obina

May 23, 2017 0 comment

ENTERTAINMENT

Marian Rivera nilinaw na walang samaan ng loob sa pagitan nila ni Andrea Torres

written by DWIZ 882

Muling itinanggi ng Kapuso Actress at TV Host Marian Rivera na may hidwaan sa pagitan nila ng kapwa Kapuso Star na si Andrea Torres.

Ito ang inihayag ni Marian sa gitna ng mga ugong na tinarayan umano niya si Andrea sa backstage ng variety show na Sunday Pinasaya.

Ayon kay Marian, wala naman silang gusto at hindi na rin naman sikreto na tinatrato siya ni andrea bilang “big sister” kapag may mga problema ito.

Umalingawngaw ang sinasabing isnaban ng dalawa nang tumangging mag-komento si Andrea sa nasabing insidente.

Magugunitang naging leading lady si Andrea ng mister ni Marian na si Dingdong Dantes sa isa nitong action series sa GMA primetime.

By Drew Nacino

May 23, 2017 0 comment

HEADLINES

Pangulong Duterte nagkamali umano ng interpretasyon sa bantang giyera ng China

written by DWIZ 882

Nilinaw ni Philippine Ambassador to China Chito Sta. Romana na nagkaroon lamang ng maling interpretasyon si Pangulong Rodrigo Duterte sa pahayag ni Chinese President Xi Jinping sa banta umano nitong digmaan.

Ayon kay Sta. Romana, ipinunto lamang ni Xi na magkakaroon ng “gulo” at hindi digmaan kung igigiit ng Pilipinas ang paborableng ruling ng international arbitrary court sa West Philippine Sea.

Anya, nandoon mismo siya sa pulong ni Pangulong Duterte at Xi sa Beijing, China kung saan lantarang pinag-usapan ang lahat ng issue nauwi sa “prangkahan” pero sa maayos na paraan tulad ng pag-uusap ng magkaibigan.

By Drew Nacino

May 23, 2017 0 comment

INTERNATIONAL NEWS

Iran hindi patitinag sa mga patutsada at banta ng Amerika sa kanila

written by DWIZ 882

Sinupalpal ng Iran ang patuloy na batikos sa kanila ni US President Donald Trump at King Saud Bin Abdulaziz ng Saudi Arabia.

Ayon kay Iranian President Hassan Rouhani, katawa-tawa ang naging summit ng US at Saudi Arabia sa Riyadh at tila walang laman ang kanilang talakayan.

Kataka-taka rin anya ang suporta ni Trump bilang isang demokratikong bansa sa Saudi Arabia gayong kahit isang beses ay hindi naman nakakita ng ballot box ang mga Saudi.

Hindi kagaya sa Iran, iginiit ni Rouhani na malinaw na mayroong demokrasya at patunay nito ang katatapos lamang na Presidential Election kung saan siya ang nagwagi para sa kanyang ikalawang termino.

Dagdag ng Iranian President, hindi sila patitinag sa mga patutsada at banta ng Amerika sa halip kanilang itutuloy ang pagpapalakas sa kanilang pwersa militar partikular ang pagdevelop sa missile upang ipagtanggol ang kanilang bansa.

By Drew Nacino

May 23, 2017 0 comment

INTERNATIONAL NEWS

Mga ISIS sympathizer ipinagdiwang ang pambobomba sa Manchester City sa UK

written by DWIZ 882

Ipinagdiwang ng mga supporter ng Islamic State ang pambobomba sa Manchester City, United Kingdom na ikinasawi na ng dalawampu’t dalawa (22) katao at ikinasugat ng higit limampung (50) iba pa.

Kaliwa’t kanang post sa social media partikular sa facebook at twitter ang mga ISIS sympathizer.

Inihayag ng mga ISIS supporter na tila hindi nakalimutan na ng Britanya ang mga banta laban sa kanila at isa lamang ang pagpapasabog sa Manchester sa mga ito.

Gayunman, wala pang opisyal na pahayag ang teroristang grupo o kung aakuin ang nabanggit na insidente.

Katatapos lamang ng performance ng American Pop Singer na si Ariana Grande nang yanigin ng malakas na pagsabog ang Manchester Arena.

By Drew Nacino

May 23, 2017 0 comment

Newer Posts

Older Posts