May pangangailangan ba para sa isang national ID system sa bansa?
PAKINGGAN: Unang bahagi ng SIYASAT
PAKINGGAN: Ikalawang bahagi ng SIYASAT
Kinondena ni ARMM o Autonomous Region in Muslim Mindanao Governor Mujiv Hataman ang patuloy na paghahasik ng karahasan ng Maute at Abu Sayyaf Group o ASG sa Marawi City, Lanao del Sur.
Ayon kay Hataman, ni hindi man lamang ginalang naturang mga bandido ang simula ng Ramadan.
Iginiit ng opisyal na hindi pagsusulong ng paniniwalang Islam ang ginagawang pagpatay ng mga teroristang ito sa maraming sibilyang Kristiyano sa Marawi City.
Dahil dito, sinabi ni Hataman na hindi dapat tawaging taga-sunod ni Allah ang mga bandidong ito na hindi marunong magbigay ng paggalang sa Ramadan.
Samantala, nanawagan naman si Lanao del Sur Governor Mamintal Adiong sa Maute at ASG na huwag lapastanginin ang banal na pagdiriwang ng Ramadan bilang mga kapwa niya Muslim.
By Ralph Obina
Walong foreign banks ang nagpakita ng interes na pumasok sa Pilipinas.
Ayon kay Bangko Sentral ng Pilipinas o BSP Governor Nestor Espenilla, ang naturang mga dayuhang bangko ay mula sa Asya na posibleng magtayo ng kanilang bangko o kaya ay makipag-partner sa mga lokal na bangko dito sa Pilipinas.
Sinabi ni Espenilla na bawat bangko ay inaasahang magdadala ng tinatayang tatlong (3) bilyong piso.
Kapag nagkataon, inaasahang makapagpapalakas pamumuhunan at at madaragdagan din ang trabaho sa bansa.
By Ralph Obina
Unti-unti nang naibabalik ang suplay ng kuryente sa Marawi City kung saan nagpapatuloy ang bakbakan ng militar at Maute Group.
Ayon sa National Grid Corporation of the Philippines o NGCP, naagapang maisaayos ang ilang apektadong feeders para maibalik ang kuryente sa Marawi.
Samantala, nananatili namang normal ang kondisyon ang suplay ng kuryente sa iba pang bahagi ng Mindanao.
Nangangahulugan anilang walang power outages ang naitatala sa mga transmission lines hanggang sa generating plants.
By Ralph Obina
Tiniyak ng National Capital Region Police Office na walang banta ng ISIS sa Metro Manila.
Ayon kay NCRPO o National Capital Region Police Office Chief Oscar Albayalde, kasalukuyang pangkalahatang mapayapa ang sitwasyon sa kalakhang Maynila.
Ipinabatid ni Albayalde na sa ngayon ay wala silang natatanggap na impormasyon na posibleng umabot sa Metro Manila ang kaguluhan mula sa Mindanao.
Gayunpaman, mahigpit na seguridad pa rin ang pinaiiral ng NCRPO gaya ng pagkakaroon ng checkpoint operations at pinaigting na pagbabantay sa mga lugar na posibleng maging target mga masasamang loob.
By Ralph Obina
Sisikapin ng Armed Forces of the Philippines o AFP na ibalik ang kaayusan sa Marawi City sa lalong madaling panahon.
Ayon kay AFP Chief of Staff General Eduardo Año, target ng militar na tapusin ang bakbakan sa Marawi sa loob ng animnapung (60) araw.
Kasalukuyan aniyang confined na lamang sa Marawi ang bakbakan at iniiwasan na lamang na may iba pang grupo ang makapasok sa siyudad para tumulong sa Maute.
PAKINGGAN: Bahagi ng pahayag ni AFP Chief of Staff Eduardo Año
Samantala, tiniyak naman ni Pangulong Rodrigo Duterte na sapat ang armas ng tropa ng pamahalaan para labanan ang mga naghahasik ng kaguluhan ngayon sa Mindanao.
Pero ayon sa Pangulo, plano niyang dagdagan pa ang mga ito at kasalukuyan na siyang nanungutang ng armas sa Russia.
Samantala, inihayag din ng Punong Ehekutibo na nakahanda ang mga ospital ng pamahalaan para magamot ang mga masusugatang sundalo sa bakbakan.
PAKINGGAN: Bahagi ng pahayag ni Pangulong Rodrigo Duterte
By Ralph Obina
Tiniyak ng Malacañang na walang magiging epekto sa usapang pangkapayapaan sa pagitan ng pamahalaan, NPA o New People’s Army , MNLF o Moro National Liberation Front at MILF o Moro Islamic Liberation Front ang opensiba ng militar laban sa mga terorista sa Mindanao.
Ayon kay Solicitor General Jose Calida, wala ni isa man sa tatlong grupo ang may kinalaman sa nangyayaring rebelyon ngayon ng Maute at Abu Sayyaf sa Marawi City.
Gayunman, nilinaw ni AFP Spokesman Brig. General Restituto Padilla na ipatutupad nila ang batas sa lahat ng mga nasa Mindanao, anuman ang grupong kanilang kinabibilangan.
Iginiit pa ni Padilla na ang layunin ng deklarasyon ng Martial Law sa Mindanao ay upang mapanumbalik ang kaayusan at kapayapaan sa Mindanao kaya’t ibayong tiwala ng publiko sa kanilang sandatahang lakas ay lubhang kailangan sa mga panahong ito.
NDFP vs. terrorism
Samantala, umaasa si CPP-NPA Founding Chairman Jose Maria Sison na hindi maaapektuhan ng idineklarang Martial Law sa Mindanao ang gumugulong na usapang pangkapayapaan sa pagitan nila at ng pamahalaan.
Ito’y makaraang palagan ni Sison ang naging pahayag ni Defense Secretary Delfin Lorenzana na ang NPA o New People’s Army umano ang target ng deklarasyon ng Pangulo.
Kasunod nito, kinumpirma ni Joma na tiniyak sa kanya ng Government Peace Panel na hindi target ng Martial Law ang mga NPA sa mga kanayunan partikular na ang mga nasa Mindanao.
Mismong si Pangulong Rodrigo Duterte aniya ang nagsabi kay NDFP Peace Panel Chief Fidel Agcaoili na dapat magtulungan ang kanilang hanay at ang pamahalaan para labanan ang mga terorista.
Dahil dito, tiniyak ni Sison ang pagtulong ng NDFP sa layunin ng pamahalaan na maibalik sa normal ang sitwasyon sa Mindanao kasunod ng naging pag-atake ng Maute Group sa Marawi City na kanila ring kinukondena.
By Jaymark Dagala
Muli na namang ipinamalas ni Paolo Ballesteros ang kanyang galing sa make-up transformation.
Ginaya naman ngayon ni Paolo ang karakter ng model actress na si Gal Gabot…si Wonder Woman.
Pero hindi lang natapos sa make-up ang ginawa ni Paolo, nag-costume pa ito para mas lalong maging kamukha si Wonder Woman.
Matatandaang ilang malalaking celebrity na nga ang nagaya ni Paolo at ito rin ang naging daan para sa pelikula niyang Die Beautiful kung saan siya ay nanalo bilang best actor.
By Ralph Obina
Photo: Screengrab from pochoy_29 / Instagram
Dismayado si National Democratic Front of the Philippines Chief Political Consultant Jose Maria Sison sa naiulat na pahayag ni Defense Secretary Delfin Lorenzana na target din ng Martial Law sa Mindanao ang NPA o New People’s Army.
Ayon kay Sison, kinumpirma ng GRP na hindi target ang NPA.
Sinabi pa aniya mismo ni Pangulong Rodrigo Duterte kay NDFP Chief Negotiator Fidel Agcaoili sa kanilang pagpupulong na dapat magtulungan ang GRP at NDFP laban sa mga teroristang grupo tulad ng Maute at Abu sayyaf.
Iginiit ni Sison na kaisa ng gobyerno ng NDFP sa paglaban sa mga teroristang grupo.
Umaasa rin aniya siya na hindi makaapekto ang kaguluhan sa Marawi sa ika-limang round ng peace talks.
By: Meann Tanbio