26 katao patay sa pamamaril sa Egypt

Patay ang dalawampu’t anim (26) katao habang dalawampu’t limang (25) iba pa ang sugatan sa nangyaring pamamaril sa Central Egypt.

Sakay ng bus ang mga biktimang pawang mga Coptic Christians ng bigla itong tambangan ng hindi pa nakikilalang salarin.

Sinasabing bumibiyahe ang bus patungo sanang Monastery of St. Samuel Confessor mula Minya Province nang mangyari ang insidente.

Wala pang umaakong grupo sa naturang pamamaril ngunit sa mga nakalipas na buwan ay naging target ng ISIS militants sa kanilang mga pag-atake ang mga Coptic Christians.

By  Ralph Obina 

Comments

comments