Home Monthly Archives
Monthly Archives

June 2026

HEADLINES

Itigil ang pag-uulat ng hindi beripikadong impormasyon hinggil sa Marawi clash–Abella

written by DWIZ 882
Nananawagan ang Office of the President sa mga mamamahayag na iwasang mag-ulat ng mga peke at hindi beripikadong impormasyon hinggil sa sitwasyon sa Marawi City.
Ito ang inihayag ni Presidential Spokesman  Ernesto Abella matapos ang mga ulat na sinalakay at kinubkob umano ng mga miyembro ng ISIS-Maute group ang Lanao del Sur Electric Cooperative o LASURECO.
Nobenta’y singko porsyento na anyang naibalik ang power supply sa lungsod makaraang bigyang seguridad ng pamahalaan sa pamamagitan ng  inter-agency task force on securing energy facilities ang LASURECO compound.
Dapat din anyang maging kalmado ang publiko sa gitna ng sitwasyon sa Marawi at iwasang magpakalat ng mga hindi beripikado o hindi kumpletong ulat.
By Drew Nacino

 

 

May 28, 2017 0 comment
0 Facebook Twitter Google + Pinterest
HEADLINES

CBCP suportado ang batas militar sa Mindanao

written by DWIZ 882
CBCP
Aminado ang Simbahang Katolika na wala silang rason upang kontrahin ang deklarasyon ng Martial law sa Mindanao.
Ayon sa Catholic Bishops Conference of the Philippines (CBCP),  suportado nila ang batas militar sa gitna ng bakbakan ng mga tropa ng gobyerno at grupong maute sa Marawi city, Lanao del Sur.
Gayunman, iginiit ng CBCP na dapat ay panandalian lamang ang idineklarang martial law o manatili ito hangga’t hindi nadudurog ang lahat ng miyembro ng teroristang grupo.
Sa halip na batikusin, nananawagan naman ang mga pari at  obispo sa publiko na maging mahinahon, magtiwala sa pamahalaan at suportahan ang mga nakikipag-bakbakan sa mga kalaban ng bansa.
By Drew Nacino
May 28, 2017 0 comment
0 Facebook Twitter Google + Pinterest
HEADLINES

Maute pursigidong iwagayway ang bandila ng ISIS sa Marawi at magdeklara ng ‘Wilayat’

written by DWIZ 882
Pursigido ang grupong Maute na iwagayway ang itim na bandila ng ISIS sa provincial capitol ng Lanao del Sur sa Marawi City at magdeklara ng “Wilayat” sa lalawigang sakop ng Islamic state.
Ito, ayon kay Lt. Gen. Carlito Galvez, commander ng AFP-Western Mindanao Command, ang tunay na layunin ng pinagsanib na pwersa ng Maute at Abu Sayyaf ay upang magkaroon ng suporta mula sa ISIS sa Syria.
Wala anyang pinipiling lugar ang mga terorista at inaakyat ng mga ito  ang mga government building maging ang mga bahay.
Naglunsad na rin ang militar ng airstrike sa ilang bahagi ng lungsod kung saan pinaniniwalaang nagtatago ang Maute.
Samantala, tinatayang isanlibo (1,000) pang residente ang hindi pa umano makalabas sa Marawi City dahil sa bakbakan.
By Drew Nacino
May 28, 2017 0 comment
0 Facebook Twitter Google + Pinterest
INTERNATIONAL NEWS

Intercontinental ballistic missile haharangin ng Amerika

written by DWIZ 882
pentagon
Pipilitin ng US military na i-intercept ang isang intercontinental ballistic missile.
Ito ayon sa Pentagon ay sa pamamagitan ng isang landmark test ng defense system sa gitna na rin ng lumalawak na tensyon kaugnay sa weapons program ng North Korea.
Ang nasabing test na itinakda sa Martes ay unang pagkakataong tatangkain ng US military na i-intercept ang isang ICBM.
Ang mga nakalipas na trial ay isinagawa laban sa intermediate range missiles na mas mabagal.
Ipinabatid ng Missile Defense Agency na ang mga expert ay nakatakdang maglunsad ng ground based interceptor mula sa Vandenberg Air Force base sa California na isang mock up ng ICBM na pinaputok mula sa reagan test site sa Kwajalein Atoll sa Marshall Islands.
By Judith Larino
May 27, 2017 0 comment
0 Facebook Twitter Google + Pinterest
ENTERTAINMENT

Ariana Grande may benefit concert para sa Manchester bombing victims

written by DWIZ 882
ariana
Handa ang international pop singer na si Ariana Grande na magsagawa ng benefit concert para sa kanyang mga fans na nabiktima ng suicide bombing sa Manchester, England.
Ayon kay Ariana, nais nyang parangalan ang mga biktima ng naturang terror act at para ipakita ang kanyang pagmamahal sa mga ito.
Hinikayat ni Ariana na huwag hayaan ang naturang pangyayari na magdulot ng dibisyon bagkus ay mas dapat na manaig ngayon ang pagmamahal at pagmamalasakit sa isa’t isa.
Matatandaang 22 katao ang nasawi sa pag-atake ng suicide bomber sa gitna ng concert ni Ariana sa Manchester.
By  Rianne Briones
May 27, 2017 0 comment
0 Facebook Twitter Google + Pinterest
HEADLINES

Maute pinag-aaralang ilagay sa international terrorist list

written by DWIZ 882
Pinag-aaralan ng AFP o Armed Forces of the Philippines ang paglalagay sa Maute Group sa listahan ng international terrorist organizations.
Ito ay matapos na mismong si Pangulong Rodrigo Duterte ang siyang nag-ugnay sa grupo sa international terrorist group na ISIS o Islamic State.
Ayon kay AFP Chief of Staff at Martial Law Administrator General Eduardo Año, sa ginawang pagkilos ng Maute ay hindi malayo ang posibilidad na kinilala na sila ng ISIS.
Ginawa umano ng grupo ang mga pag-atake at maging ang pagtutulak ng droga upang kilalanin sila ng nasabing international terror group.
Matatandaang nagdeklara ng Martial Law si Pangulong Duterte matapos ang naging pag-atake Maute sa Marawi City.
By Rianne Briones
May 27, 2017 0 comment
0 Facebook Twitter Google + Pinterest
HEADLINES

P3.2B halaga ng shabu nasabat sa Valenzuela City

written by DWIZ 882
valenzuela
Nasabat ng mga awtoridad ang mahigit sa 600 kilo ng hinihinalang shabu sa Valenzuela City.
Sa isinagawang raid ng mga tauhan ng Philippine Drug Enforcement Agency o PDEA, tumambad ang nasa 3.2 bilyon pisong halaga ng shabu kasabay ng pag-aresto sa mga suspek na sa ngayon ay hindi pa pinapangalanan.
Ang raid operation ay isinagawa sa isang shabu den na mahigpit na mino-monitor ng mga awtoridad.
Hinihinalang nakatakda nang ibenta ang nasabing mga droga sa iba’t ibang lugar sa Metro Manila.
By Judith Larino 
May 27, 2017 0 comment
0 Facebook Twitter Google + Pinterest
SPORTS

Kondisyon ni Manny Pacquiao bumubuti ayon kay Roach

written by DWIZ 882
pacquiao
Bumubuti na ang kondisyon ni 8-Division World Champion Manny Pacquiao para sa laban nito kontra kay Jeff Horn na gaganapin sa Australia sa Hulyo.
Kahapon ay sumabak sa dalawang sparring session ang Pambansang Kamao.
Ayon kay Hall of Famer Coach Freddie Roach kung ikukumpara sa mga nakaraang pagsasanay ni Pacquiao ay mas umayos aniya ang timing gayon ng fighting senator.
Gayunman, hinahanap pa ni Roach ang mas maraming kombinasyon at distansya mula kay Pacquiao lalo’t agresibo aniyang kalaban si Horn.
By   Ralph Obina   
May 27, 2017 0 comment
0 Facebook Twitter Google + Pinterest
NATIONAL NEWS

Martial Law sa Visayas at Mindanao malabo—Esperon

written by DWIZ 882
esperon
Malayo pang mangyari sa ngayon na ideklara ang Martial Law sa Visayas at Mindanao.
Ito ang nilinaw ni National Security Adviser Hermogenes Esperon kaugnay ng naunang pahayag ng Pangulong Duterte na posibleng isailalim sa batas militar ang buong bansa kung lalala ang sitwasyon.
Sinabi ni Esperon na mahigpit ang ginagawang pagbabantay ng mga kinauukulang ahensya upang tiyaking hindi makakapasok sa karagatan ng Visayas ang Maute Group na naghahasik ng karahasan ngayon sa Mindanao.
Dagdag pa ni Esperon, binabantayang mabuti ng mga sundalo’t pulis ang exit point ng Mindanao para mahuli na ang mga ito at matuldukan ang terorismo.
By   Ralph Obina
May 27, 2017 0 comment
0 Facebook Twitter Google + Pinterest
SPORTS

Blackwater Elite taob sa Barangay Ginebra

written by DWIZ 882
blakwater vs ginebra
Taob sa Barangay Ginebra San Miguel ang Blackwater Elite sa kanilang pagtutuos kagabi sa nagpapatuloy na PBA Commissioners Cup.
Tinapos ng Gin Kings ang laban kagabi sa iskor na 96-82.
Nanguna sa panalo ng Barangay Ginebra si Justin Brownlee na tumipa ng tatlumpu’t limang (35) puntos na sinegundahan naman ni LA Tenorio na kumamada ng labing pitong (17) puntos.
By  Ralph Obina
May 27, 2017 0 comment
0 Facebook Twitter Google + Pinterest
Newer Posts
Older Posts