June 2026

Magtatalaga  ang  Presidential Communications  and  Operations  Office (PCOO) ng  sibilyang  Maranao Spokesperson para  tumutok sa  updates ng  ginagawang  opensiba  ng  gobyerno laban sa  Maute terror  group sa  Marawi City.

Ang  hakbang  ay  bahagi  ng plano ng  PCOO  na  magtatag  ng  Mindanao  Hour Communications  Center sa  Davao city.

Sinabi ni  PCOO Secretary  Martin Andanar  na  mga  ganitong  pagkakataon ay  mahalagang mapalawak ang  communication language  mula  national papuntang  regional  para  maiwasang  mabalewala  ang  mga  apektado  ng  martial law.

Lahat  aniya  ng  naprosesong  impormasyon mula sa  conflict area   ay  idadaan sa  Mindanao Hour  Communications  Center sa  Davao at sa  Malacanang para sa  regular  press  briefings sa Manila  at  Davao.

Pamumunuan ni Andanar  ang  Mindanao Hour Communications Center sa  Davao  habang  ang Iligan  Mindanao Hour Communications Center  ay  pamumunuan ni Harold Clavite, ang  Director  General ng Philippine  Information Agency.

By: Aileen Taliping

Hindi bababa sa 30 construction workers ang hawak ngayon ng Maute Group sa Marawi City.

Kaugnay nito, sinabi ni Western Mindanao Command Spokesperson Capt. Jo-ann Petinglay na naka-alerto na ang tropa ng militar para sa pagsagip sa mga manggagawa.

Patuloy din aniya ang ground operations ng gobyerno sa mga lugar na kinaroroonan ng mga militante.

Una rito, humingi ng saklolo ang mga nabanggit na construction worker sa pamamagitan ng pagtawag sa kanilang mga kamag-anak upang magpaabot ng tulong sa pwersa ng gobyerno.

By: Meann Tanbio

Sinimulan nang ipatupad ang curfew sa Kabacan, North Cotabato.

Ayon kay Kabacan Mayor Gerlo Guzman, ito ang napagkasunduan sa  pulong ng  Municipal  Peace and Order  Council  bilang suporta sa idineklarang Martial  Law  ni Pangulong  Rodrigo Duterte  sa  Mindanao.

Ipatutupad aniya ang  curfew sa bayan ng Kabacan mula  alas-10:00 ng  gabi    hanggang   alas  4:00 ng madaling araw.

Gayunman, sinabi ni Guzman na para sa mga mamamayan na kinakailangangang   lumabas ng bahay     sa   oras  ng  curfew ay magpakita lamang ng anumang government i-d.

Kaugnay nito, nagtayo na rin ng checkpoint ang   pulis  at militar   sa  lahat ng entry at  exit points  sa bayan ng  Kabacan.

By: Meann Tanbio / Ralph Obina

Umapela si National Youth Commission Chairperson Aiza Seguerra kay Pangulong Rodrigo duterte na itigil na ang mga “rape jokes”.

Kaugnay ito sa naging talumpati ni Pangulong Duterte sa 2nd Mechanized Infantry Brigade of the Philippine Army sa Iligan City noong Biyernes, kung saan sinabi nito na handa rin siyang makulong kung sakaling masangkot sa rape ang mga sundalo.

Agad na binatikos ito ng grupong Gabriela at maging nina Senador Risa Hontiveros at Francis Pangilinan.

By: Meann Tanbio

Binulabog ng sunod-sunod na pagsabog ang provincial headquarters ng PNP sa Maguindanao.

Ayon  kay Maguindanao Police Provincial Director Senior Superintendent  Agustin  Tello, pinasabugan ng     limang rounds ng M-203 Grenade Launcher ng mga  miyembro ng  Bangsamoro Islamic Freedom  Fighters naturang punong himpilan.

Sugatan naman pagsabog  ang 70 taong  gulang na lalaki na si Bualan Munib  matapos tamaan ng  shrapnel sa  mukha.

Nasa ligtas  nang kalagayan ngayon ang  sugatang sibilyan  habang tinutugis na ng mga otoridad  ang mga bandidong responsable sa naturang pag-atake.

By: Meann Tanbio / Ralph Obina

Inanunsyo ng mga Telecommunications Company na  wala silang ipatutupad na   signal shutdown sa   bahagi ng  Mindanao.

Ayon kay PLDT Smart Spokesperson Ramon Isberto at Globe Vice President  for Corporate Communications Yoly Crisanto, wala namang abiso ang gobyerno na magkaroon  ng signal shutdown sa  rehiyon na  apektado ngayon ng  kaguluhan.

Sinabi  ng mga opisyal ng globe  at smart na tuloy ang kanilang operasyon sa kabila ng dineklarang Martial Law sa  Mindanao.

By: Meann Tanbio / Ralph Obina