Monthly Archives

June 2026

Opinyon ng SC at Kongreso sa Martial Law balewala sa Pangulo

May 29, 2017 0 comment

Mahigit 900 bilanggo sa Bilibid nabiktima ng food poisoning

May 29, 2017 0 comment

Pangulo umapela ng suporta sa MNLF, MILF at NPA vs. Maute

May 29, 2017 0 comment

Laptop ban sa lahat ng flights pinag-aaralan na ng Amerika

May 29, 2017 0 comment

Ilang residente ng Marawi nanghihingi na ng pagkain

May 29, 2017 0 comment

Gobyerno nanindigan sa pag-abandona sa peace talks

*OPAPP Photo

May 29, 2017 0 comment

‘Mindanao Hour’ ilulunsad simula ngayong araw

May 29, 2017 0 comment

Marines handa nang sumabak kontra Maute Group

May 29, 2017 0 comment

Aga at Charlene ipinagdiwang ang kanilang ‘Sweet 16′

Photo: Screengrab from itsmecharleneg/ Instagram

May 29, 2017 0 comment

AFP di hahayaang makalipat ng siyudad ang mga terorista sa Marawi

By: Aileen Taliping

May 28, 2017 0 comment

June 2026

Iisnabin ni Pangulong Rodrigo Duterte anuman ang sabihin ng Korte Suprema at Kongreso kaugnay sa kanyang ipinatupad na Martial Law sa Mindanao.

Ayon sa Pangulo, tanging ang Armed Forces of the Philippines o AFP at Philippine National Police o PNP lamang ang kanyang pakikinggan pagdating sa naturang usapin.

Aniya, hanggat hindi sinasabi ng AFP at PNP na ligtas na ang bansa ay magpapatuloy aniya ang batas militar.

Batay sa 1987 Constitution, binigyan ng kapangyarihan ang Kongreso na desisyunan kung aaprubahan ang deklarasyon ng Martial Law at kung ito ay palalawigin pa ng Pangulo ng lampas sa animnapung (60) araw ay kailangan pa rin ng dumaan ito sa pagsusuri ng mababa at mataas na kapulungan.

Binigyang din ng kapangyarihan ng konstitusyon ang Korte Suprema na desisyunan ang legality ng idineklarang batas militar.

Una nang nagpahayag ng pagkaalarma si Supreme Court Chief Justice Maria Lourdes Sereno sa posibleng pag-abuso sa Martial Law.

By Judith Larino

Higit siyamnaraang (900) mga bilanggo sa NBP o New Bilibid Prison ang nagkasakit matapos na kumain ng paksiw na bangus noong Biyernes.

Ayon kay Bureau of Corrections (BuCor) Director General Benjamin delos Santos, animnaraan (600) sa mga ito ang dinala sa NBP Hospital matapos na makaranas ng pananakit ng tiyan, diarrhea at dehydration.

Animapu’t siyam (65) sa mga biktima ang nananatiling naka-confined sa pagamutan dahil sa kritikal na kondisyon kabilang na ang isang matandang inmate.

Bukod sa nakaing paksiw na bangus na inihanda ng caterer ng NBP, kasama rin na sinusuri ay ang tubig na ginagamit sa pag-inom at paghahanda ng pagkain sa nasabing bilangguan.

Napasugod naman sa NBP Facility ang mga nag-aalalang pamilya ng mga bilanggo.

By Rianne Briones

Nanawagan si Pangulong Rodrigo Duterte sa MNLF o Moro National Liberation Front, MILF o Moro Islamic Liberation Front at NPA o New People’s Army na makiisa sa kampanya ng gobyerno laban sa Maute Group.

Kasunod ito ng ipinadalang liham ni MNLF Founding Chairman Nur Misuari na handa ang kanilang grupo na magpadala ng mga tauhan upang tumulong sa ginagawang operasyon laban sa Maute.

Ayon sa Pangulo, handa niyang bigyan ng parehong pribilehiyo tulad sa mga pulis at sundalo ang sinumang miyembro ng naturang mga grupo na magnanais na tumulong sa gobyerno gaya ng sweldo, benepisyo at maging pabahay.

Sinabi pa ng Pangulo na malaki ang maitutulong ng mga ito dahil kabisado ng nasabing mga grupo ang terrain sa Mindanao.

By Rianne Briones

Pinag-aaralan ng US authorities ang pag-ban ng laptop sa lahat ng aircraft cabins sa lahat ng flight papasok at palabas ng Amerika.

Ayon kay Homeland Security Secretary John Kelly, bahagi ito ng pagtataas ng alerto sa airline security kabilang ang mahigpit na pag-inspeksyon sa carry-on items.

Sinabi ni Kelly na nais lamang nilang paghandaan ang air hijacking na nakaugalian na ng mga terorista partikular ang kung ito ay US carrier at sakay ang maraming Amerikano.

Marso ng taong ito nang magpatupad ang US government ng restrictions sa malalaking electronic devices sa aircraft cabins sa mga biyahe sa sampung (10) airport kabilang ang United Arab Emirates, Qatar at Turkey.

By Judith Larino

Nanghihingi na ng pagkain ang ilang residente ng Marawi City sa gitna na rin ng military operations laban sa Maute Group.

Bitbit ang mga placard partikular na humihingi ng pagkain ay mga batang residente.

Samantala, nananatiling sarado ang ilang business establishment sa Marawi City simula nang umatake ang Maute Group noong May 23.

Sa kaniya namang social media post, sinabi ni DSWD o Department of Social Welfare and Development Secretary Judy Taguiwalo na hindi sila humihingi ng donasyon sa publiko subalit tatanggapin nila ang anumang tulong na ibibigay para sa Marawi City residents na apektado ng pag-atake.

Gayunman, inamin ni Taguiwalo na hindi sila makapaghatid ng goods sa mga evacuee.

Mayroon aniyang mga human rights at welfare groups na tumutulong sa mga apektado ng pag-atake.

Ipinabatid ng ARMM o Autonomous Region in Muslim Mindanao Crisis Management Committee na mahigit 42,000 katao ang nananatili sa evacuation centers o kaya naman ay nakikitira sa ilang kaanak nila na nasa labas ng Marawi City.

By Judith Larino

Naninindigan ang Government Peace Panel sa desisyong abandonahin ang itinakdang ika-limang round ng peace talks sa CPP-NPA-NDF.

Ayon kay Presidential Adviser on the Peace Process Jesus Dureza, walang dahilan para bawiin nila ang naunang pasyang huwag nang lumahok sa muling pag-uusap ng magkabilang panig.

Hindi aniya makapagpapabago ng isip ng government panel maging ang maikling pakikipag-usap kay CPP Chairman Jose Maria Sison.

Una nang umatras ang government panel sa 5th round ng peace talks dahil sa anito’y kawalan ng magandang pagkakataon para ituloy ang peace negotiations.

Kasunod na rin ito ng kautusan ng CPP sa armed wing nitong NPA na paigtingin pa ang mga opensiba bilang pagtutol sa idineklarang Martial Law ng paNgulong Rodrigo Duterte sa Mindanao.

Sa panayam ng DWIZ, binigyang diin ni Government Panel Chief Negotiator Silvestre Bello III na hindi tamang kasabay ng peace talks ay tumataas din ang karahasan.

Sa kabila nito, nilinaw nito na ang ika-limang round lamang ng pag-uusap ang hindi natuloy pero magpapatuloy pa rin ang kabuuang proseso ng peace talks.

“Ang hinihingi ng ating Pangulo sa kanila na ipakita din naman sa amin na kayo ay tamang kausapin at meron kayong kakayahan na ipatupad ang napag-usapan natin.” Ani Bello.

By Judith Larino | Katrina Valle | Balitang Todong Lakas (Interview)

Ilulunsad na simula ngayong araw na ito ng Malacañang ang tinagurian nitong “Mindanao Hour”

Kasunod ito ng deklarasyon ng Martial Law ng Pangulong Rodrigo Duterte sa mindanao.

Sinabi ni Presidential Spokesman Ernesto Abella na layon ng nasabing programa na mabigyan ng update ang publiko kaugnay sa sitwasyon sa Marawi City at maging sa iba pang bahagi ng Mindanao.

Ayon kay Abella, itinakda ang Mindanao hour tuwing Lunes, Miyerkules at Biyernes, alas-11:00 ng umaga.

Subalit tiniyak ni Abella na magbibigay din siya ng update sa mga kaganapan sa Marawi City sa kanyang press briefing tuwing Martes at Huwebes.

Uubra namang makakuha ng mga update sa radyo ng bayan tuwing weekends sa parehong oras katuwang si AFP Spokesman Brig. General Restituto Padilla.

By Judith Larino

Dumating na ang puwersa ng Philippine Marines sa Marawi City.

Nabatid na trak-trak ng Marines ang dumating sa Marawi City mula sa Tawi Tawi para tumulong sa pagtugis sa Maute Group.

Kahapon, ilang beses nagsawa ng bombing runs ang air assets ng Philippine Air Force sa mga lugar na pinagkukutaan ng tropa ng Maute.

Ilang beses ding narinig ang palitan ng putok ng magkabilang panig.

Nananatili naman ang pinaiiral na mahigpit na seguridad sa Marawi City partikular sa mga checkpoint papasok at palabas ng lungsod para hindi makatakas ang mga nasabing bandido.

By Judith Larino

Tila lalo pang tumatamis ang pag-iibigan ng showbiz couple na sina Aga Muhlach at Charlene Gonzales.

Mararamdaman ito sa palitan ng mensahe ng mag-asawa sa kani-kanilang Instagram account kaugnay sa pagdiriwang nila ng ika-labing anim na taong wedding anniversary kahapon.

Unang nag post ng kanyang anniversary message si Aga kung saan pinapasalamatan niya si Charlene sa pag-aalaga sa kanya at mga anak nilang sina Atasha at Andres.

Sinabi pa ni Aga na kulang ang pasasalamat sa kanyang maybahay na tinagurian niyang my everything at my anchor na hindi rin aniya nabibigong bigyan siya ng surprises lalo na kung anniversary nila.

Ilang minuto naman ang nakalipas ay si Charlene naman ang nag post ng super lambing na mensahe para sa esposo.

Ayon kay Charlene, nagpapasalamat din siya kay Aga sa pagmamahal na binibigay nito at itinuturing niyang blessing sa buhay niya ang aktor.

Post pa ng dating Binibining Pilipinas Universe, sadyang mabilis ang takbo ng panahon dahil nag-eenjoy siya sa pagmamahal ni Aga.

Hindi rin siyempre nawala sa post ng mag-asawa ang mga katagang “I love you very very much”.

Cheesy at kilig naman ang maraming komento ng mga netizens na natutuwa sa palitan ng lambingan nina Aga at Charlene.

By Judith Larino

Hindi hahayaan ng mga tropa ng pamahalaan na makalipat sa ibang siyudad ang mga teroristang naghasik ng karahasan sa Marawi City.

Ito ang inihayag sa DWIZ ni Afp Spokesman Brig. Gen. Restituto Padilla sa harap na rin ng pangamba ng mga sibilyan na baka makarating hanggang sa Metro Manila ang Maute Terrorist Group.

Sinabi ni Padilla na mayroong nakalatag na security infrastructure ang AFP sa mga pangunahing lungsod na posibleng targetin ng mga terorista.

Bawat pangunahing lungsod at mga lugar ay mayroong mga tropa ng pamahalaan na nagbabantay sa kaayusan at hindi hahayaang manaig ang karahasan.